Nyieun KTP Mayar, Jaro Saija Curhat Ka Gubernur Banten

EDITOR: Mang Njang

SERANG, BERITAING - Jaro Saija curhat ka Gubernur Banten, Rano Karno, mun urang Baduy hese nyieun KTP. Soalna ceuk nu digawe di desa blankona euweuh. Lain kitu bae, ceunah nyieun KTP geh kudu mayar. Padahal kuwari mah warga baduy butuh KTP.

“Lamun kudu mayar, mayarna sabaraha? laju lamun blankona euweuh, nyieun di mana?” ceu jaro ka Gubernur dina acara Seba di Hareup Musium Negeri Banten, Saptu (14/5/2016).

Curhatan Jaro Saijah lain dijawab ku gubernur tapi ku Sekda, Ranta Suharta. Ceuk Ranta, nyieun KTP mah gratis. Nyieun KTP mah lain urusan gubernur tapi urusan bupati. “Ke diurusan ku Bupati lebak, Ibu Iti. Tapi nyieun KTP mah gratis,” ceuk Ranta.

Dicegat sanggeus acara seba, Bupati Lebak, Iti Octavia Jayabaya ngomong mun nyieun KTP di wilayahna gratis. “Mayar? Euweuh, euweuh nu mayar. Mun basa 2 tahun katukang mah, ho’oh aya biaya retribusi. Kuwari mah euweuh. Tapi, kumaha mun blankona euweuh mah?” ceuk Iti ka sakabeh Juru Warta nu ngurilingan manehna.

Ditanya, kumaha mun aya keneh nu kudu mayar? Iti negeskeun pihakna bakal nyerahkeun masalah eta ka hukum. “Euweuh, moal aya nu kitu. Mun aya geh kami serahkeun ka hukum. Nu kudu diuruskeun ku pamarentah pusat dina undang-undangna eta nyadiakeun blanko meh sakabeh masyarakat bisa nyieun KTP,” ceuk Iti sabari pamit endek balik. [BiT]